លោកកឹម សុខា ថ្លែងបែបនេះ នៅក្នុងពិធីសំណេះសំណាលជាមួយពលរដ្ឋនៅសង្កាត់សៀមរាប ក្រុងសៀមរាប នាព្រឹកថ្ងៃសៅរិ៍នេះ ដែលមានពលរដ្ឋប្រមាណ២រយនាក់ចូលរួម។
ក្នុងពិធីសំណេះសំណាលនោះ លោក កឹម សុខា អះអាងថា មនុស្សទាំងបីក្រុម ដែលញុះញង់ឲ្យពលរដ្ឋស្អប់ខ្ពើមថ្នាក់ដឹកនាំគណបក្សសង្គ្រោះជាតិ រួមមាន អ្នកវិភាគឯករាជ្យមួយចំនួន ក្រុមអ្នកចង់បង្កើតគណបក្សនយោបាយថ្មី និងក្រុមអ្នកគាំទ្រគណបក្សសង្គ្រោះជាតិក្លែងក្លាយ។
លោកបញ្ជាក់ថា ក្រុមទី១ជាអ្នកវិភាគឯករាជ្យ ឬអ្នកអត្ថាធិបាយ។ ក្រុមនេះជាអ្នកស្នេហាជាតិលើសលុប ដោយពួកគេ ថាគណបក្សសង្គ្រោះជាតិ នឹងមានវាសនាដូចគណបក្សហ្វ៊ុនស៊ិនប៉ិច។ ក្រុមមនុស្សទី២ ជាក្រុមអ្នកចង់បង្កើតគណបក្សនយោបាយថ្មី ក្រុមនេះចង់ទាញយករូបលោកចេញពី លោក សម រង្ស៊ី ដោយបើកគណបក្សនយោបាយថ្មី។ ចំណែកក្រុមទី៣ ជាអ្នកគាំទ្រគណបក្សជាតិសង្គ្រោះជាតិក្លែងក្លាយ ដោយលោកថា ក្រុមនេះអួតខ្លួនជាអ្នកគាំទ្រគណបក្សសង្គ្រោះជាតិ ប៉ុន្ដែផ្ទុយទៅវិញ ជាជំពូកអ្នកអុំទូកបណ្ដោយទឹក និយាយបំភ្លៃការពិត ត្មះតិះដៀលគណបក្សសង្គ្រោះជាតិ ដើម្បីឲ្យពលរដ្ឋឲ្យស្អប់ខ្ពើម និងយល់ច្រឡំ ដោយញុះញង់ថា គណបក្សសង្គ្រោះជាតិចូលសភាមិនអាចធ្វើកើតឡើយ ។
សូមសរសេរមកកាន់លោក បូ សាវី តាមរយៈ savy@vodhotnews.com
Post a Comment